އުއްމީދު ޖަމިއްޔާ މެދުވެރިކޮށް ހަތް ރަށެއްގެ މިސްކިތްތަކަށް މުސްޙަފް ހަދިޔާކުރުމުގެ އެއްބަސްވުމުގައި އިއްޔެ ސޮއިކޮށްފިއެވެ.
އިސްލާމީ ކަންތައްތަކާ ބެހޭ ވުޒާރާގެ ފަރާތުން އެއްބަސްވުމުގައި ސޮއިކުރެއްވީ ޕަރމަނަންޓް ސެކްރެޓަރީ އަޙްމަދު އަދީލެވެ.
މި އެއްބަސްވުމުގެ ދަށުން މުސްޙަފް ހަދިޔާ ކުރަން ހަމަޖެހިފައިވަނީ، ހއ.ހޯރަފުށި، ހދ.ނޮޅިވަރަންފަރު، ހދ.ހަނިމާދޫ، ނ.ހެނބަދޫ، ބ.މާޅޮސް، އއ.ތޮއްޑޫ، ގއ.ކަނޑުހުޅުދޫ އަދި އައްޑޫ ސިޓީގެ މިސްކިތްތަކަށެވެ.
އިސްލާމީކަންތައްތަކާ ބެހޭ ވުޒާރާއިން ބުނީ އެ ވުޒާރާއިން ރާއްޖޭގެ އެކި ރަށްރަށަށް މުސްޙަފް ހަދިޔާކުރަމުން އަންނަ ކަމަށެވެ.
