މުޙިއްމު 02 ކަމެއްގެ މަޢުލޫމާތު ރައްޔިތުންނާއި ޙިއްސާކުރުމަށް، ހުކުރު ދުވަހުގެރޭ ރައްޔިތުންގެ ބައްދަލުވުމެއް ބޭއްވުމަށް މާޅޮސްމަޑުލު ދެކުނުބްރީ ތުޅާދޫ ކައުންސިލުން ނިންމައިފިއެވެ.
ތުޅާދޫ ކައުންސިލްގެ 04 ވަނަ ދައުރުގެ 119 ވަނަ ވަނަ ޢާއްމު ޖަލްސާގައި ނިންމާފައިވަނީ، ފާސްކުރެވިފައިވާ ލޭންޑް ޔޫޒް ޕްލޭން ރައްޔިތުންނާއި ޙިއްޞާކުރުމަށާއި ހުށަހެޅިފައިވާ މަސްފެކްޓްރީގެ ޕްރޮޕޯސަލް ރައްޔިތުންނާއި ޙިއްޞާކުރުމަށް، 2023 މާރޗް 16 ވާ ބުރާސްފަތި ދުވަހުގެ ރޭ ރައްޔިތުންގެ ބައްދަލުވުމެއް ބޭއްވުމަށެވެ.
ތުޅާދޫ ކައުންސިލުގައި 07 ކައުންސިލަރުން ތިއްބަވާއިރު މި މައްސަލަ އެޖެންޑާކުރި އާންމު ޖަލްސާއަށް ހާޟިރުވެފައި ވަނީ 06 ކައުންސިލަރުންނެވެ. ކައުންސިލް ރައީސް އިބްރާޙީމް ޢާދިލް ޖަލްސާއަށް ހާޟިރު ވެފައި ނުވަނީ ޢާއިލީ ޒިންމާގައި ހުންނެވުމުގެ ސަބަބުން ކަމަށް، އާންމު ކޮށްފައިވާ 119 ވަނަ އާންމު ޖަލްސާގެ ނިންމުމުގައި ވެއެވެ.
ތުޅާދޫ ކައުންސިލްގެ ޖަލްސާތަކުގެ ނިންމުންތައް ޢާއްމު ކުރަމުންދާ ފޯމެޓްގައި ވަކިވަކި މައްސަލަތަކަށް ކައުންސިލަރުން ވޯޓްދެއްވާފައިވާގޮތް ހާމާކޮށްފައެއް ނުވެއެވެ.
