ބ. ތުޅާދޫގެ ބަނދަރު ޑިއުޓީ ކުރާނެ ވޮލަންޓިއަރުން ހޯދުމަށް ތުޅާދޫ ކައުންސިލުން އިޢުލާން ކޮށްފިއެވެ.
މިރޭ ތުޅާދޫ ކައުންސިލުން ކޮށްފައިވާ ޢިޢުލާންގައި ވަނީ ތުޅާދޫ މޮނިޓަރިންގ އަށް ލާފައިވާ މި ދަނޑިވަޅުގައި، ރަށަށް ލަފާ ފުރާ އެންމެހާ ފަރާތްތަކުގެ މަޢުލޫމާތު ނޯޓް ކުރުމަށާއި ރަށުތެރެ ބެލެހެއްޓުމަށް، ކޮވިޑް-19 ޓާސްކްފޯސްގެ ފަރާތުން ބަނދަރު ސަރަޙައްދުގައި ބަހައްޓާފައިވާ ޑެސްކުގައި ޑިއުޓީ ކުރާނެ ވޮލަންޓިއަރުން ބޭނުންވާކ ކަމަށެވެ.
ވޮލަންޓިއަރ ކޮށް މި މަސައްކަތް ކުރުމަށް ޝައުޤުވެރިވާ ފަރާތްތަކުން، 7981165 އަށް ވައިބަރ މެދުވެރިކޮށް، އެ ފަރާތެއްގެ ވަނަވަރު ފޮނުވައި ދިނުމަށް ތުޅާދޫ ކައުންސިލުން އެދެއެވެ.
